Moti nesër dhe ditëve në vazhdim! (19.1.2020.)

Moti nesër dhe ditëve në vazhdim! (19.1.2020.)

Moti nesër dhe ditëve në vazhdim! (19.1.2020.)

Sonte gjatë nates pritet të kemi tërheqjen e mjegulles, por njëkohësisht do të kemi shtim të vranësirave. Në pjesën veriore të Shqipërisë do të ketë edhe reshje atmosferike, shi nëpër ultësira dhe borë në viset kodrinore-malore. Në veriperëndim të Shqipërisë priten reshje shiu, kurse në veri dhe verilindje reshje bore. Disa nga këto reshje do të kalojnë edhe në territorin e Republikës së Kosovës, kështu që në orët e hershme të mëngjesit mund të ketë reshje dekorative bore në disa pjesë të Dukagjinit.

Nesër në Kosovë do të mbajë mot kryesisht i vranët. Do të fillojnë të fryjnë erëra nga veriu dhe verilindja. Priten ulje graduale të temperaturave si dhe reshje simbolike lokale shiu dhe bore.

Në Shqipëri nesër do të mbajë mot kryesisht i vranët. Në gjysmën veriore të vendit do të ketë reshje shiu dhe bore varësisht nga lartësia mbidetare, kurse gjysma jugore do të mbetet kryesisht e thatë ose me ndonjë reshje simbolike.

Në Maqedoninë Veriore nesër pritet të mbajë mot me vranësira dhe intervale kohore të shkurtra me diell. Në disa rajone mund të ketë reshje kryesisht të dobëta shiu ose bore, kurse në Mal të Zi priten reshje pak më intensive. Në jug do të ketë reshje shiu, kurse në veri të vendit reshje bore.

Të hënën në tërë rajonin do të kemi mot të thatë dhe të ftohtë. Do të kemi intervale kohore me diell dhe vranësira kalimtare.

Nga e marta moti do të stabilizohet tërësisht, do të vazhdojë të mbajë mot me intervale kohore me diell dhe vranësira të ulëta vende-vende. Netët dhe mëngjeset do të jenë të ftohta dhe me mundësi për mjegull, kurse temperaturat ditore do të fillojnë të shënojnë ngritje në të gjitha ato rajone ku nuk do të ketë mjegull ose vranësira të ulëta./Meteoballkan

Close