Teleskopi më i sofistikur i quajtur James Webb u ngrit në qiell sot me sukses të plotë.
Observatori u ngrit drejt qiellit nga një raketë ariane nga porti Kuorou në Guajanën Franceze njofton BBC. Fluturimi i tij zgjati më pak se një gjysmë ore me një sinjal që konfirmoi me sukses pritshmëritë. Ky sinjal u mor nga një antenë tokësore në Kenia të Afrikës.
Teleskopi Webb i emëruar sipas njërit prej arkitektëve të uljes së Apollos në Hënë është pasardhësi i Teleskopit të famshëm Hubble.
Inxhinierët nga Amerika, Evropa dhe Kanadaja kanë ndërtuar teleskopin e ri i cili pritet të jetë 100 herë më i fuqishëm se Hubble.
I ngritur nga një pyll tropikal teleskopi Webb pretendohet të fillojë një udhëtim drejt “origjinës së Universit” deklaroi komentatori i NASAS Rob Navia. Ngritja u prit me padurim, por nomralisht u shoqërua me një dozë të madhe ankthi dhe antuziazmi. Mijëra njerëz nga tërë globi kanë punuar për këtë projekt madhor i filluar qe 30 vjet.
Lansimi i Webb është vetëm fillimi i asaj që do të jetë një seri komplekse aktivitetesh fillestare muajve të ardhshëm. Teleskopi observues është duke u vendosur në një stacion observues 1.5 milionë km larg planetit tonë.
Objektivi kryesor i Teleskopit Webb pritet të jetë epoka e yjeve pionierë që i dhanë dritë kosmosit të pushtuar nga errësira e plotë pas shpërthimit të Big Bengut më shumë se 13.5 miliardë vite më parë. Një objektiv tjetër i Webb pritet të jetë edhe hulumtimi i atmosferës në planetët më të largët për të vlerësuar nëse këta planetë kanë ndonjë shanc ose parakusht për të patur jetë.
