Sot në tërë rajonin tonë po mbanë mot kryesisht stabil, me intervale kohore me diell dhe vranësira të zhvilluara lokale, por pa reshje atmosferike. Disa riga shiu ose rrebeshe u regjistruan në disa vise të izoluara në veri të Kosovës dhe perëndim të Maqedonisë së Veriut.
Kjo duke iu falënderuar masave ajrore kryesisht stabile anticiklonike të cilat po kushtëzojnë mot kryesisht të qetë dhe stabil.
Në përgjithësi vazhdon mot stabil dhe i qetë me zhvillime lokale të vranësirave, por pa reshje domethënëse. Reshjet këto ditë priten vetëm në disa zona të izoluara dhe pritet të jenë të pakta. Në bregdet vazhdon mot i nxehtë dhe stabil deri të premtën kur gjysma veriore e bregdeti shqiptar mund të ketë vranësira dhe rrebeshe shiu me vetëtima dhe bubullimë.
Pra, gjatë ditës së premte në veriperëndim dhe veri të Shqipërisë deri të viset qendrore priten rrebeshe të herëpashershme shiu me vetëtima dhe bubullimë. Vende-vende mund të ketë rrebeshe intensive në ato rajone.
Parashikimi i motit për këtë fundjavë mbetet ende paksa problematik për shkak të dallimeve dhe versioneve të ndryshme që japin modelet globale kompjuterike për parashikim të motit dhe kjo vjen si pasojë e ardhjes së stuhive tropikale nga rajonet tropike të globit në Atlantik dhe kjo mund të shkaktojë “kokëçarje” të përkohshme në leximin e atmosferës.
Sipas të gjitha gjasave për fundjavë priten alternime mes vranësirave dhe intervale kohore me diell. Vranësirat pritet të sjellin edhe reshje të herëpashershme të shiut, ndërsa temperaturat pritet të shënojnë ulje kryesisht të lehta./MeteoBallkan
