Berat Rukiqi nga Oda Ekonomike e Kosovës, përmes një statusi në FB ka sqaruar dy çështje me rëndësi sa i përket bizneseve dhe punës së tyre, pas hyrjes në fuqi të masave të reja anti-COVID.
Sipas Rukiqit punëtorët që punojnë në zonat e kuqe, ku pas orës 19:00 nis ora policore, mund të lëvizin, të shkojnë deri në vendbanimet e tyre, një orë pas fillimit të orës policore, por që të njëjtit duhet ta kenë dhe një vërtetim.
Ky është njoftimi i Rukiqit:
Sapo kam marr konfirmimin nga autoritetet përgjegjëse për dy çështje:
1) Punëtoret qe punojnë ne zonat e kuqe dhe ku ka ore policore, mund te lëvizin, përkatësisht te kthehen ne vendbanimet e tyre, deri ne nje ore, pas fillimit te orës policore. Te njëjtit duhet te kenë vërtetimin qe kane qene ne orar te punës, deri ne ora 19;
2) Per punetoret e kompanive qe e kane te organizuar punen me turne, nga sektoret qe ju lejohet veprimtaria, pra qe punojne edhe pas ores 19 (prodhim, shërbime, etj), lejohet lëvizja, duke e prezantuar dokumentin e nxjerre nga ATK.
Qendra Operative e Ministrisë te Punëve te Brendshme e ka përcjellore informatën tek policia ne mënyre qe te mos ketë asnjë pengese ne lëvizjet e punëtoreve.
