“Ky zjarr digjet prej 4,000 vitesh dhe kurrë nuk është shuar”, thotë Aliyeva Rahila. “Edhe kur ka shi, borë, erë nuk ndalet kurrë së djeguri”.
Flakët e larta kërcejnë pa pushim në një shtrirje prej 10 metrash kodrinë, duke e bërë një ditë të nxehtë edhe më të nxehtë.
Ky është Yanar Dag që do të thotë “djegia e malit” në Gadishullin Absheron të Azerbajxhanit.
Një efekt anësor i rezervave të bollshme të gazit natyror të vendit, i cili ndonjëherë del në sipërfaqe, Yanar Dag është një nga disa zjarret që ndodhin spontanisht duke krijuar kështu edhe udhëtarë të magjepsur dhe të frikësuar në Azerbajxhan gjatë mijëvjeçarëve.
Eksploruesi venecian Marco Polo shkroi për fenomenet misterioze kur ai kaloi nëpër vend në shekullin XIII.
Tregtarët e tjerë të Rrugës së Mëndafshit sollën lajme mbi flakët ndërsa udhëtonin për në tokat e tjera.
Kjo është arsyeja pse vendi e fitoi emrin edhe si “toka e zjarrit”.
