Pas depërtimit të frontit të fuqishëm të ftohtë ajror nga Alpet në drejtim të Italisë veriore në Gjirin e Gjenovës është krijuar një ciklon i fuqishëm i cili po u sjell rrebeshe të fuqishme shiu Sllovenisë, Kroacisë, disa rajoneve të Bosnjë dhe Hercegovinës, Malit të Zi dhe rrebeshe lokale shiu apo riga lokale ka edhe në shumë pjesë të Shqipërisë dhe në pjesët jugperëndimore të Serbisë.
Cikloni i fuqishëm nuk do të ndjek rrugën e tij të zakonshme në drejtim të Evropës juglindore sepse në Oqeanin Atlantik apo në brigjet e Britanisë dhe Francës gjendet një anticiklon jashtëzakonisht i fuqishëm i cili krahët e tij nëpërmjet Evropës Qendrore do ti shtrijë drejt rajonit tona sidomos në viset tona kontinentale. Ky anticiklon do ta robërojë ciklonin diku në jug të Italisë dhe në brigjet e Afrikës Veriore në vend që të rrugëtonte në drejtim të territoreve tona, kështu që Italia ditëve të ardhshme do të goditet nga stuhi dhe reshje jashtëzakonisht të fuqishme shiu. Përkundër fuqisë së madhe të anticiklonit disa porcione shiu dhe rrebeshe do të mund të depërtojnë edhe në territorin e Shqipërisë por edhe në Kosovë nuk përjashtohet mundësia që të ketë riga lokale shiu.
Kjo është arsyeja se pse reshjet e dendura nuk do të arrijnë në tërë territorin e Republikës së Kosovës. Anticikloni i fuqishëm nga Atlantiku nëpërmjet Evropës Qendrore do të rrugëtojë në drejtim të Evropës lindore po gjithnjë duke mbajtur nën kontroll rajonin tonë dhe duke mos lejuar që masat e lagështa të depërtojnë në drejtimin tonë. Sidoqoftë në disa rajone sot priten reshje shiu sidomos në Shqipëri por edhe në pjesën veriperëndimore dhe perëndimore të Kosovës dhe lokalisht edhe në pjesët tjera mund të ketë ndonjë rigë shiu.
Informacione tjera në postimet tona të ardhshme.
