Vendi turistik i Akropolis në Athinë do të jetë i mbyllur sot deri në orën 17:00 për shkak të temperaturave ekstreme, njoftuan autoritetet greke.
Vendimi është marrë për mbrojtjen si të punonjësve ashtu edhe të vizitorëve, raporton mediumi grek Katimerini.
Duhet theksuar se Greqia sot dhe nesër pritet të kalojë valën më të rëndë të të nxehtit 48-orësh, ndërsa temperaturat pritet të arrijnë deri në 43 gradë Celsius në disa pjesë të vendit.
Autoritetet janë gjithashtu në gatishmëri të shtuar për shkak të zjarreve në pyje, të cilat rëndojnë Greqinë çdo verë, sipas portalit.
