5 arsyet pse disa njerëz e duan dimrin:
1) Siguria psikologjike: Çdo gjë që përjetoni ndikon në gjendjen tuaj shpirtërore dhe gjendjen psikologjike. Në dimër njerëzit zakonisht mbyllin dritaret, mbyllin dyert dhe ndezin ngrohjet. Si rezultat, personi izolon veten në një zonë të vogël brenda shtëpisë së tyre dhe kjo e bën ndërdijen e tyre të besojë se është i sigurt nga kërcënimet.
Stresi zvogëlohet, një person ndihet më i sigurt dhe si rezultat beson se ai e do motin e ftohtë, ndërkohë që në fakt ai ndihet i sigurt sepse ai e ka mbyllur veten.
2) Faji i reduktuar: Në një ditë me diell shumica e njerëzve nuk gjejnë justifikime për tu vonuar në punët e tyre të përditshme, për të mos shkuar në palestër apo për të parë miqtë, por në ditët e ftohta gjërat bëhen ndryshe. Kur dikush anulon ose vonohet në një aktivitet në një ditë të ftohtë ai zakonisht ndihet më pak fajtor sesa nëse e bën atë në një ditë me diell.
3) Nuk u mungon asgjë: Ndonjëherë një person ndihet i pakënaqur në shtëpi për shkak se e di se po humb diçka që po ndodh jashtë mureve të shtëpisë. Nëse miqtë tuaj janë në plazh dhe ju jeni në shtëpi atëherë ka shumë gjasa që ju të ndiheni keq, por nëse të gjithë janë të detyruar të qëndrojnë në shtëpi, atëherë ju nuk jeni duke humbur asgjë edhe nëse nuk keni plane!
4) Izolimi social: Njerëzit gjithmonë e urrejnë motin e ftohtë nëse nuk duan të shkojnë në ski apo të bëjnë ndonjë aktivitet në natyrë. Nga ana tjetër disa të tjerë gëzojnë qëndrimin brenda dhe nuk kanë probleme në shpenzimin e një ose dy ditësh brenda shtëpive të tyre.
5) Stresi i reduktuar: Me më pak zhurmë në rrugë, kaq shumë dyqane të mbyllura dhe restorante, njerëzit kanë ndjenjën se jeta ka ngadalësuar ritmin e saj dhe si rezultat ata ndjehen më të relaksuar dhe më pak të stresuar gjatë ditëve të dimrit. /MeteoBallkan/
