Sot në Klinikën Infektive janë raportuar 6 raste të reja me koronavirus, derisa 12 persona janë regjistruar si të shëruar.
Rastet pozitive janë raste kontakti nga: komuna e Vushtrrisë 5 raste (sipas vendbanimit: 5 raste Stanovc) dhe 1 rast me vendbanim në Llazarevë-Obiliq.
Kjo shifër e re ka çuar në total numrin e të shëruarve në Kosovë në 841, ndërsa me COVID-19 në 1,070.
IKSHPK-ja, njofton se sot janë testuar gjithsej 220 mostra të marra nga Klinika Infektive dhe gjurmimi i kontakteve të rasteve në terren.
Ndërkaq, ka bërë thirrje që të vazhdohet të mbahet distanca, të pastrohen duart dhe të mbahen maskat.
