Të paktën 60 persona kanë humbur jetën për shkak të temperaturave të acarta në Afganistan gjatë më shumë se tri javëve të fundit, transmeton Anadolu.
Sipas Janan Saiq, zëdhënës i Ministrisë së Menaxhimit të Fatkeqësive Natyrore, viktimat kanë vdekur nga moti i ftohtë për shkak të reshjeve të mëdha të borës dhe shiut, raportoi “Tolo news”.
Rreth 34 të tjerë janë lënduar gjithashtu, ndërsa mbi 1.600 shtëpi janë shkatërruar gjatë kësaj periudhe, shtoi ai.
Reshjet e dendura të borës dhe stuhitë e borës kanë bllokuar edhe disa rrugë në vend.
Ashraf Haqshenas, zëdhënës i Ministrisë së Punëve Publike, tha se Kalimi Salang dhe disa rrugë në provincat Bamiyan, Ghor, Sar-e Pol, Nuristan dhe Farah janë bllokuar.
Ndryshe, Afganistani është përballur disa përmbytje, tërmete dhe thatësira gjatë viteve të fundit, duke përkeqësuar gjendjen tashmë të keqe të infrastrukturës.
