Rebeshet e fuqishme që përfshinë mbrëmë shumë pjesë të Shqipërisë dhe gjatë orëve të hershme të mëngjesit disa pjesë të Kosovës janë vetëm hyrje në atë që pason sot në orët e pasdite kur pritet të depërtojë fronti i fuqishëm i ftohtë ajror me rrebeshe shiu, ulje të temperaturave dhe erëra të ftohta veriore. Reshjet e shiu do të jenë intensive veçanërisht në rajonet e nxehta mesdhetare, gjegjësisht në bregdet, por lokalisht edhe në viset tjera.
Në Kosovë më shumë reshje do të përfitojë perëndimi i vendit dhe më pak reshje priten në lindje. Në viset më të larta malore pritet të paraqiten edhe fjollat e para të dëbores gjatë nates, ndërsa malet e larta të Bosnes dhe Malit të Zi do të zbardhen me disa centimetra borë. Reshjet do të jenë prezente edhe gjatë nates dhe nesër në mëngjes kur pritet të ndërpriten gradualisht./Meteoballkan