Ministri i Bujqësisë, Pylltarisë dhe Zhvillimit Rural, Besian Mustafa, ka deklaruar se këtë javë do të nxjerrin vendim për t’i paguar subvencionet për bujqit, pagesë kjo e cila do të nisë gjatë javës së ardhshme.
Deputetja e PDK-së, Ganimete Musliu, në seancën e sotme të Kuvendit, tha se bujqit kanë nevojë më shumë për ndihmë sesa për fjalë të bukura.
“Pse nuk janë kompensuar dëmet e shkaktuar kryesisht në serra, nga erërat në komunën e Skenderajt, ku dihet se keni proklamuar se do të kompensohen, kanë kaluar disa muaj dhe fermerët ende nuk janë kompensuar”, tha ai.
Kurse, ministri Mustafa tha se në kuadër të programit të rimëkëmbjes kanë për këtë vit, bujqit do të marrin dy këste subvencione.
Mustafa shtoi se për t’u siguruar se këto fonde shkojnë në vendin e duhur kanë rritu kontrollet administrativ dhe kontrollet në terren, me të vetmin qëllim që këto fonde të shkojnë te bujqit.
“Deri tani kemi shqyrtuar më shumë se gjysmën e aplikacionit. Po e përsërisë, edhe pse sivjet ballafaqohemi me situata për shkak të Covidit, jemi një ditë vonës, krahasuar me vitin 2019, ku nuk kishte Covid. Këtë javë po nxjerrim vendimin mbi 5.5 milionë euro për të paguar, që realizohen në javën e ardhshme, dhe kjo shumë e subvencioneve do të rritet nga java në javë… javën e ardhshme fillojnë pagesat”, tha ai.
