Temperaturat kanë filluar të pësojnë ulje dhe po ashtu kemi edhe rrebeshe lokale shiu me vetëtima dhe bubullimë kryesisht në veri dhe veriperëndim të Kosovës, ndërsa në mëngjes kishim një valë reshjesh lokale.
Reshjet do të fillojnë të shtrihen gradualisht dhe të zgjerohen dhe deri nesër pritet të arrijnë deri në jug të Shqipërisë duke sjellur freskinë e shumëpritur edhe në Shqipëri. Reshjet pritet të jenë të më të zgjeruara kësaj radhe dhe pritet të përfshijnë shumë territore. Vende-vende priten reshje intensive, por nuk duhet pritur shumë reshje në tërë territoret tona.
Reshjet do të jenë jashtëzakonisht të mirëserardhura për ato pak kultura bujqësore që ende mund të përfitojnë nga uji pas një periudhe shumë të gjatë të thatësisë esktreme.
Reshjet do të vazhdojnë sonte dhe nesër herë pas here, pra jo pa ndërpre. Reshjet do të pakësohen dukshëm të premtën dhe të shtunën për tu rikthyer përsëri të dielën.
Sipas ecurive aktuale sinoptike stabilizim i motit pritet nga e hëna, por kjo mund të ndryshojë me evoluimin e gjendjes sinoptike./Meteoballkan
