Sot në Kosovë pritet të mbajë mot kryesisht me diell dhe relativisht i ngrohtë për këtë periudhë kohore. Mëngjesi pritet të jetë i ftohtë dhe me ngrica të dobëta vende-vende. Ka gjasa që të ketë edhe mjegull nëpër disa lugina. Temperaturat pritet të luhaten nga -1 ajo minimale deri në 12 ajo maksimale.
Në Shqipëri dhe tërë rajonin nesër pritet të mbajë mot kryesisht me diell dhe vranësira lokale.
Të hënën pak më ngrohtë në tërë rajonin, përpos atyre rajoneve (disa lugina) ku eventualisht mund të ketë mjegull ku pritet të jetë më ftohtë. Në viset pa mjegull pritet mot pothuajse pranveror.
Edhe ditëve të ardhshme nuk pritet ndonjë ndryshim substancial i motit. Një front i ftohtë pritet të arrijë rreth datës 6 Janar i cili pritet të kushtëzojë përkeqësim të motit dhe ulje të temperaturave, por ende pa ndonjë skenar të vërtetë dimëror./MeteoBallkan
