Sot në Kosovë do të mbajë mot i ftohtë dhe kryesisht i thatë. Do të fryjë erë e lehtë deri mesatare nga ana veriore dhe verilindore. Pasdite apo në mbrëmje në disa rajone mund të ketë reshje bore të intensitetit të dobët deri mesatar.
Në Shqipëri mot i ndryshueshëm, në juglindje lindje dhe viset kodrinore malore të vendit herë pas here me reshje bore. Në viset tjera me riga lokale shiu, do të fryjë erë mesatarisht e fuqishme nga lindja dhe verilindja e cila në disa raste mund të jetë e fuqishme.
Në Maqedoni sot po ashtu mot i ndryshueshëm dhe me reshje të herë pas hershme bore të intensitetit mesatar.
Të dielën në Kosovë mot edhe më i ftohtë ndërsa në mbrëmje pritet që të fillojnë reshjet e borës të cilat do të intensifikohen gjatë natës. Por, reshjet e borës nuk do të zgjasin shumë dhe pas krijimit të shtresave disa cm. ato parashihen të ndërpritën.
Në Shqipëri të dielën mot jo stabil. Në juglindje dhe lindje të vendit priten reshje bore të cilat herë pas here mund të jenë të dendura. Në viset tjera kryesisht me riga lokale shiu. Edhe në Maqedoni të dielën pritet intensifikim i reshjeve të borës. E kemi fjalën për Maqedoninë perëndimore.
Reshjet do të ndërpritën natën mes së dielës dhe të shtunës për të rifilluar përsëri të hënën pasdite në tërë territorin e Shqipërisë. Në rajonet bregdetare priten rrebeshe lokalisht të fuqishme shiu me vetëtima dhe bubullimë sidomos natën mes së hënës dhe të martës, kurse në rajonet tjera kryesisht reshje shiu. Në viset më të larta malore reshje bore. Edhe në Kosovë dhe Maqedoni do të ketë reshje shiu të cilat herë pas here do të jenë të dendura. Bora do të shkrihet tërësisht sepse do të ketë ngirtje të temperaturave përpos vendeve më të larta malore ku bora mund të jetë e qëndrueshme./ Meteoballkan.
