Sot në Kosovë na pret ditë e vërtetë dimërore. Priten reshje bore të cilat filluan gjatë orëve të natës. Në mëngjes vranët dhe me reshje bore. Gjatë ditës priten edhe intervale kohore me diell, ndërsa reshjet e borës do të vazhdojnë në formë të rrebesheve të herëpashershme të bores të cilat në intervale të shkurtra mund të jenë të dendura.
Në Shqipëri dhe rajone sot pritet mot i ftohtë, me intervale kohore me diell dhe vranësira lokale. Reshje të herëpashershme bore priten në pjesën lindore të Shqipërisë, perëndim të Maqedonisë së Veriut, Luginën e Preshevës dhe veriun e Malit të Zi, lokalisht mund të ketë fjolla bore edhe në ndonjë rajon tjetër.
Të premtën na pret mot i ftohtë, me intervale kohore me diell dhe vranësira të herëpashershme. Ende priten fjolla sporadike bore në disa vise. Temperaturat shënojnë ulje të mëtutjeshme sidomos ato minimale.
Për fundjavë na pret mot me acar të fortë siberik gjatë natës dhe mëngjesit, ndërsa gjatë ditës priten intervale të gjata kohore me diell dhe vranësira lokale. Nga e diela temperaturat ditore do të fillojnë të rriten, por ende mbetet relativisht ftohtë, ndërsa acari pritet të zbutet, megjithatë ende priten minuse (netëve dhe mëngjeseve) edhe pse më të buta./MeteoBallkan
