Sot në Kosovë pritet të kemi mot mjaft të paqëndrueshëm, me intervale kohore me diell dhe zhvillime të shpeshta të vranësirave të cilat pritet të kushtëzojnë rrebeshe lokale shiu me vetëtima, bubullimë dhe breshër. Në viset kodrinore-malore priten reshje bore. Reshje afatshkurtra bore mund të ketë edhe në disa vende më të ulëta mbidetare.
Reshjet dhe rrebeshet lokale do të vazhdojnë në shumë vise të Shqipërisë dhe rajonin ku vende-vende ende priten formacione konvektive të vranësirave që mund të kushtëzojnë edhe breshër, por në përgjithësi reshjet do të vijnë duke u izoluar dhe duke u dobësuar.
Nga e hëna deri të enjtën na pret mot me intervale kohore me diell dhe vranësira. Rrallëkund priten riga lokale shiu, ndërsa temperaturat ditore nga e marta do të fillojnë të pësojnë rritje të ndjeshme. Mëngjeset e së hënës dhe së martës ka gjasa që të ketë ngrica, përpos viseve kodrinore-malore edhe në disa ultësira. Të entjën reshje të reja lokale shiu, por pa ulje të ndjeshme të temperaturave./MeteoBallkan
