Dita e fundit e Shtatorit 2022 në Kosovë do të na sjellë mot më të nxehtë dhe intervale më të gjata kohore me diell, por priten edhe vranësira lokale dhe ndonjë rigë ose rrebesh i izoluar shiu në disa vise. Temperaturat maksimale pritet të lëvizin nga 21 deri në 25 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me intervale kohore me diell dhe vranësira lokale. Vende-vende priten riga dhe rrebeshe të izoluara shiu. Në jug të Malit të Zi dhe veri- veriperëndim të Shqipërisë mund të ketë rrebeshe intensive herë pas here.
Të shtunën përsëri pritet të ketë shtim të vranësirave dhe vende-vende me reshje shiu. Mund të ketë edhe rrebeshe lokale me vetëtima dhe bubullimë. Temperaturat do të shënojnë ulje kryesisht të lehta.
Nga e diela na pret mot me intervale kohore me diell dhe vranësira lokale dhe rrebeshe lokale shiu me vetëtima dhe bubullimë. Reshjet do të jenë të karakterit lokal./MeteoBallkan
