Ardhja e ajrit të ngrohtë mesdhetar me origjinë nga Afrika veriore rriti temperaturat sot dhe këtë e shkaktojë cikloni me qendër në veri të Italisë dhe veri të Detit Adriatik i cili ka aktivizuar fuqishëm rrymimet e ngrohta ajrore në drejtim të rajonit tonë.
Temperaturat shënuan rritje të ndjeshme dhe ato lokalisht shkuan mbi 15 gradë Celsius, por në shumë rajone pati reshje shiu që penguan rritjen e temperaturave, megjithatë në disa vise në Kosovë ajo arriti deri në 18 gradë Celsius, ndërsa në Shqipëri deri në 25 gradë Celsius.
Reshjet e shiut do të vazhdojnë edhe gjatë natës duke u intensifikuar dhe po ashtu mund të ketë rrebeshe lokalisht të fuqishme shiu me vetëtima dhe bubullimë. Edhe kjo si pasojë e kombinimit të temperaturave të larta, ngase në Dhjetor vetëtimat dhe bubullimat janë shumë të rralla në zonat kontinentale./MeteoBallkan
