Stuhia e mbrëmshme në territorin e Pejës u formua si pasojë e ardhjes së frontit të ftohtë ku paraprakisht kishim temperatura shumë të larta. Destabilizimi I motit ditën e shtunë, gjatë mbrëmjes së shkuar solli edhe stuhi me rrebeshe të vrullshme shiu në Pejë, që çoj edhe deri tek përmbytje me fatalitete në qytetin e Pejës.
Në bazë të matjeve nga stacioni i IHMK-së në Pejë, siç njofton Prishtina Weather brenda asaj periudhe, pas orës 20, janë regjistruar 58mm të reshura. Kjo sasi është e barabartë sikurse të reshurat e gjithë muajit qershor për qytetin e Pejës, të bien brenda një kohe të shkurtër”.
Edhe sot pasdite do të ketë rrebeshe lokale shiu me vetëtima dhe bubullimë, por nuk pritet sasi ekstreme e reshjeve njofton Prishtina Weather./METEOBALLKAN
