Një tërmet 7.2 shkallësh i Rihterit e ka goditur një gadishull të Alaskës, ka thënë Vëzhguesi Gjeologjik i Shteteve të Bashkuara.
Dridhjet janë regjistruar në orët e para të mëngjesit të së dielës, rreth 89 kilometra në jugperëndim të qytezës së vogël Sand Point, ka thënë agjencia.
Qendra Kombëtare për Paralajmërime për Cunami në Alaska e ka zvogëluar ndërkohë një paralajmërim për cunami për jugun e Alaskës.
Alaska është goditur nga një tërmet 9.2 shkallësh në mars të vitit 1964, njëherësh tërmeti më i fuqishëm që është regjistruar ndonjëherë në Amerikën Veriore.
Për pasojë ishte krijuar një cunami në Gadishullin e Alaskës dhe në Havai.
Të paktën 250 persona patën vdekur nga tërmeti dhe cunami./REL
