Sistemi i fuqishëm frontal në këto çaste po sjellë rrebeshe intensive në disa zona të Shqipërisë të përcjellura edhe me vetëtima dhe bubullimë, ndërkohë që rrebeshe shiu ka edhe në Dukagjin të Kosovës me vetëtima dhe bubullima të rralla. Rrebeshe lokale ka edhe në vise tjera, por rrebeshet më të fuqishme janë përreth sistemit frontal që nga perëndimi po lëviz drejtë lindjes.
Orëve të ardhshme priten rrebeshe lokalisht intensive në gati tërë territorin e Republikës së Kosovë, pastaj edhe n disa zona në Maqedoninë Veriore dhe Luginë të Preshevës dhe njëkohësisht rrebeshet e fuqishme në Shqipëri pritet të dobësohen dhe të pushojnë.
Sistemi frontal me rrebeshe shiu do të kaloi shumë shpejtë në lindje në drejtim të Bullgarisë dhe Rumanisë. Menjëherë orëve të paradites në Kosovë do të kemi rreze diellore dhe reshjet pritet të pushojnë ndërsa vazhdon rritja e temperaturave do të ketë erëra nganjëherë të fuqishme nga jugperëndimi. Reshje atmosferike pas frontit nuk pritet të ketë ose mund të ndodhin reshje të izoluara në disa vende.
Pra, orëve të ardhshme në Kosovë presim një valë reshjesh mesatare deri të dendura shiu e rrebeshe lokale me ndonjë vetëtimë dhe bubullimë. Reshjet do të kalojnë së bashku me frontin dhe do të pasojë kthjellimi i motit në mëngjes ose paradite.
Të Premten dhe gjatë fundjavës rritje progresive, të ndjeshme të temperaturave dhe nuk priten reshje atmosferike./MeteoBallkan
