Në Kosovë kemi depërtimin gradual të frontit të ftohtë ajror i cili pritet të sjellë reshje shiu gjatë orëve të natës dhe orëve të agimit, kurse disa jo-stabilitete të fuqishme para-frontale kaluan me rrebeshe intensive shiu me vetëtima dhe bubullimë të cilat ishin të izoluara.
Gjatë orëve të ardhshme pritet të ketë intensifikim të reshjeve të shiu, vende-vende rrebeshe intensive me vetëtima dhe bubullimë, ndërsa temperaturat shënojnë ulje. Më së shumti rrebeshe shiu priten në shumë pjesë të Kosovës, kurse në Shqipëri dhe Maqedoninë Veriore rrebeshet do të jenë më të pakta dhe më të izoluara.
Së bashku me frontin dhe reshjet e rrebeshet e shiut vijnë masa ajrore dukshëm më të freskëta dhe shumë të mirëseardhura pas shumë ditëve me zagushi dhe vapë të fortë verore.
Rrebeshet e herëpashershme të shiut do të zgjasin afërsisht deri në mëngjes, për të vazhduar pastaj vetëm në disa zona të izoluara, kurse dita vijon me vranësira e intervale kohore me diell dhe me tendencë stabilizimi të atmosferës, por do të jetë dukshëm më freskët dhe më këndshëm.
Pra, rrebeshe shiu sonte priten në Kosovë, e më pak në vendet tjera përreth, përveç Bullgarisë ku priten shtrëngata të forta me breshër. Gjithesi rrebeshe shiu priten edhe në Mal të Zi, por nuk duhet anashkaluar edhe zona të caktuara në Shqipëri dhe Maqedoninë Veriore. E rëndësishme është se freskohet tërë rajoni pas vapës intensive verore.
Fundjava vjen me mot të këndshëm veror. As shumë nxehtë dhe as ftohtë. Të dielën pak më nxehtë me temperatura maksimale deri në 30 gradë Celsius./MeteoBallkan
