Ballkani verior e veriperëndimor dhe pasdite u goditen nga disa stuhi të fuqishme me rrebeshe intensive dhe breshër. Vlenë të theksohet Sllovenia dhe kryeqendra e saj Ljublja që u përfshi nga rrebeshe dhe stuhi intensive shiu me vetëtima, bubullimë dhe breshër.
Destabilizim intensiv të atmosferës atje( Slloveni) shkaktuan frontet e ftohta nge veriperëndimi, ndërsa mbetjet e këtij fronti mund të arrijnë sonte dhe nesër në viset tona, por mos prisni shumë freski, ngase temperaturat nuk do të luhaten aq në viset tona. Vetëm në ato zona ku eventualisht do të krijohen kushte për vranësira e ndonjë rrebesh të izoluar shiu do të freskohen shkurtimisht.
Përndryshe, vala e fuqishme tropikale vazhdon, madje me intensitet të lartë.
Sot (e Hënë) në Kosovë mbetjet e këtij fronti mund të kushtëzojnë disa zhvillime konvektive me ndonjë rrebesh të izoluar dhe atë kryesisht në viset kodrinore-malore, kurse nesër (e Martë) fronti i cili merr pak fuqi depërton në juglindje të Shqipërisë me ndonjë stuhi më të fuqishme lokale.
Vala e nxehtësisë mund të ndërpritet vetëm shkurtimisht dhe vetëm në disa rajone të caktuara.
Rrebeshet edhe nëse ndodhin do të jenë afatshkurtra dhe të izoluara. Për ndryshim më të fuqishëm të motit duhet të presim shumë ditë./MeteoBallkan
