Muaji Gusht do të karakterizohet me temperatura mjaft të larta duke filluar nga gjysma e dytë e kësaj jave kur pritet të kemoi një valë të re nxehtësia verore, ndërsa masat ajrore me origjinë nga Afrika veriore fuqizohen në viset tona.
Ditët e para të javës kryesisht me diell, por jo shumë të nxehta në të gjitha viset e territoreve tona, por temperaturat do të vijojnë duke u rritur çdo ditë sidomos nga e mërkura.
Një front krejt i dobët, i ftohtë ajror kalon të Martën, me disa vranësira e ndonjë rigë të dobët shiu, ndërsa vazhdon dominimi i plotë anticiklonik.
Disa zona parashihet të përfitojnë rrebeshe shiu të mërkurën dhe të enjten, sidomos Mali i Zi dhe viset kodrinore-malore të Kosovës, Shqipërisë dhe Maqedonisë së Veriut. Në veri të Malit të Zi parashihen rrebeshe mjaft intensive. Disa nga këto rrebeshe mund të zhvillohen edhe në në veri të Shqipërisë dhe veriperëndim të Kosovës si në zonën e Pejës, Istogut dhe Zubin Potokut. Disa zhvillime priten edhe në lindje-juglindje të Shqipërisë dhe perëndim të Maqedonisë së Veriut. Në shumicën absolute të territoreve tona do të vazhdojë moti i thatë dhe shumë i nxehtë.
Temperaturat do të fillojnë të rriten dukshëm sidomos nga Enjta në Kosovë deri në 35 gradë Celsius, kurse ditëve të fundjavës pritet të kemi edhe më nxehtë deri në 38 gradë Celsius. Gjithnjë do të mund të ketë zhvillime të rrebesheve të izoluara kryesisht përreth disa zonave malore.
Shqipëri, Maqedonia Veriore dhe Lugina e Preshevës vazhdojnë më mot shumë të nxehtë dhe të thatë, me temperatura maksimale gjatë javës deri në 40 gradë Celsius. Disa zhvillime priten në zonat kodriNonore-malore.
Pra, një javë shumë e nxehtë (sidomos pjesa e dytë e javës), fillimisht me netë dhe mëngjese të freskëta, ndërsa gjatë javës dhe sidomos në fundjavë ngrohen edhe netët dhe mëngjeset. Zhvillimet e shirave do të jenë të pakta dhe izoluara.
Ishte ky parashikimi javor i motit. Ndryshime të vogla në parashikim mund të ketë dhe për çdo ndryshim eventual do të njoftoheni me kohë në postimet tona të përditshme./MeteoBallkan
