Sot në Kosovë pritet të mbajë mot me vranësira e në disa rajone të Dukagjinit dhe veri të vendit do të ketë edhe intervale kohore me diell. Intervale të shkurtra me diell mund të ketë edhe në viset tjera, ndërsa reshjet atmosferike priten të rralla dhe të pakta.
Temperaturat pritet të lëvizin nga -1 deri në 9 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Martën parashihet të mbajë mot me vranësira dhe në disa vise edhe me intervale kohore me diell. Reshje priten të pakta dhe të rralla, kryesisht në jug-juglindje të Shqipërisë dhe jug të Maqedonisë së Veriut. Në veri dhe perëndim të Shqipërisë dhe Mal të Zi priten intervale kohore me diell.
Të Mërkurën pa ndonjë ndryshim. Priten vranësira e intervale kohore me diell dhe rrallë në disa zona reshjet të pakta atmosferike. Gjatë natës një ciklon sjellë intensifikim të reshjeve të shiut të cilat në shumë viset të Kosovës do të shndërrohen në reshje bore sidomos orëve të hershme të mëngjesit të së Enjtes. Megjithatë nuk priten reshje bore në të gjitha ultësirat sidomos të Dukagjinit dhe se bora nuk pritet të zgjasë shumë.
Ditëve të ardhshme na pret mot i ftohtë, me vranësira, intervale kohore me diell dhe reshje të pakta atmosferike./MeteoBallkan
