Nesër në Kosovë pritet të kemi mot stabil, por shumë të ftohtë në mëngjes. Temperatura pritet të zbresë deri në -7 apo -8 gradë Celsius, ndërsa nëpër disa lokacione mund të ketë edhe mjegull. Gjatë ditës pritet mot kryesisht me diell dhe temperaturat pritet të rriten deri në 8 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell dhe stabil. Mëngjesi do të jetë me acar të fortë në viset kontinentale e sidomos në viset kodrinore-malore. Dita vijon stabile, me diell dhe vranësira të pakta lokale dhe me rritje të temperaturave.
Ditëve të ardhshme na pret mot kryesisht me diell dhe stabil. Mëngjeset do të jenë mjaft të ftohta, ende me acar i cili do të vjen duke u zbutur. Ditët me rritje progresive të temperaturave. Mëngjeseve të hershme do të ketë edhe mjegull nëpër shumë lugina dhe ultësira.
Gjatë mesit të javes parashihet të ketë shtim të vranësirave me reshje lokale atmosferike./MeteoBallkan
