Dita e sotme po karakterizohet me stabilitet atmosferik pas një mëngjesi mjaft të freskët dhe të ftohtë.
Edhe dita e Enjte do të jetë kryesisht stabile dhe e ngrohtë, me rritje të mëtutjeshme të temperaturave, por dy formacione ajrore destabilizuese afrohen në drejtim të viseve tona. Njëra është fronti i fuqishëm i ftohtë ajror që afrohet nga veriut, ndërsa tjetra masë ajror është sistemi i fuqishëm ciklonik që afrohet nga Mesdheu.
Si kombinim do të vjen deri te ulja e madhe e temperaturave dhe dendësimi masiv i vranësirave, por shfrytëzoni edhe ditën e Enjte e cila do të jetë mjaft e ngrohtë.
Vranësira të dendura do të përfshijnë së pari pjesë të Shqipërisë, pastaj në mbrëmje vonë ose gjatë natës në të Prremten edhe Kosovës dhe Maqedoninë e Veriut. Po ashtu edhe reshje e shiut së pari do të fillojnë në Shqipëri, pastaj edhe në Kosovë dhe Maqedoninë Veriore.
Pra, edhe dita e Enjte e ngrohtë dhe stabile, pastaj vjen përkeqësimi i motit me reshje shiu dhe ulje të temperaturave. Dita e Premte do të jetë plotësisht e vranët e ftohtë dhe me reshje shiu. Në viset malore do të ketë edhe reshje bore. Reshje shqote e bore mund të ketë në lartësinë mbidetare rreth 1200 apo 1300 m. dhe sa më lartë do të jetë borë e pastër.
Këto reshje do të jenë të mirëseardhura për shkak të thatësisë së madhe, megjithatë temperaturat e ulëta në këto kohë janë problematike sidomos për bletarët dhe disa kultura tjera.
Reshjet e shiut në Kosovë parashihet të fillojnë natës mes së Enjtes dhe të Premtes me ulje të ndjeshme të temperaturave dhe nganjëherë intensiteti i reshjeve mund të jetë më i lartë.
Cikloni do të përshkojë viset tona duke rrugëtuar fuqishëm në Greqi dhe pastaj në Detin e Zi duke sjellur reshje intensive atmosferike të cilat nganjëherë do të kapin edhe viset tona. Stuhi të fuqishme mund të ketë në jug të Shqipërisë, ndërsa reshje të dendura shiu priten në shumë zona të Shqipërisë, Maqedonisë së Veriut dhe disa zona të Republikës së Kosovës.
E Premtja do të na kthejë në vjeshtën e vonshme, madje në rajone malore edhe në dimër. Mëngjesi i së Shtunës pritet të jetë mjaft i ftohtë, duke mos përjashtuar mundësinë për ngrica lokale.
Të Shtunën cikloni largohet shumë shpejt dhe pason përmirësimi i motit, megjithatë atmosfera nuk do të stabilizohet plotësisht. Do të kemi intervale kohore me diell dhe mundësi për reshje të izoluara. Edhe e dita Diel parashihet të jetë jo-stabile, me intervale kohore me diell dhe vranësira e rrebeshe lokale shiu me ndonjë vetëtimë dhe bubullimë./MeteoBallkan
