Gjatë kësaj jave në shumë vende në territoret tona do të ketë gjasa për rrebeshe lokale shiu me vetëtima dhe bubullimë dhe ulje të temperaturave.
Rrebeshe priten sidomos në Kosovë, veri të Shqipërisë dhe shumë pjesë të Maqedonisë së Veriut.
E Hëna kaloi me stabilitet të plotë atmosferik, ndërsa të Martën ndryshim dhe destabilizim në shumë vise kontinentale, përjashto pjesën më të madhe të Shqipërisë.
Vende-vende të Martën priten rrebeshe të fuqishme dhe shtrëngata me bubullima dhe breshër. Stuhitë do të jenë të izoluara por mund të jetë ndonjë prej tyre e fuqishme.
Të Mërkurën rikthehet stabiliteti atmosferik dhe rritja e temperaturave por kjo do të jetë si ‘qetësia para stuhisë’.
Nuk përjashtohet mundësia për ndonjë rigë ose rrebesh edhe të mërkurën në disa zona të izoluara.
Të Enjten një super-front i ftohtë ajror sjellë stuhi me shi rrebeshe dhe bubullima, vende-vende mund të jenë intensive. Temperaturat do të shënojnë ulje të ndjeshme sidomoa me ardhjen e vranësirave të dendura pasdite ose në mbrëmje rrebeshe lokalisht intensive shiu me vetëtima dhe bubullimë.
Sistemi do të përshfijë edhe Shqipërinë, fillimisht veriun pastaj të Premten edhe jugun por më i debësuar në jug. Rrebeshe kalimtare priten edhe në bregdet, por në veri mund të jenë të fuqishme.
Dita e Premte premton vranësira dhe freski tê konsiderueshme, vende-vende me reshje shiu sidomos në Maqedoni dhe qendër e jug të Shqipërisë.
Fundjava vjen me stabilizim të motit dhe rritje të temperaturave. Pasditen e së dieles (pas një dite të nxehtë) mund të ketë rrebeshe lokale shiu me vetëtima dhe bubullimë.
Pra, një javë me mot dinamik me diell e nxehtësi, por edhe me freski e shtrëngata shiu sidomos në viset kontinentale, por edhe në viset bregdetare më rrallë.
Fundjava me stabilizim dhe vapë.
Këto ishin disa detaje dhe informacione për këtë javë dhe për çdo ndryshim eventual do të njoftoheni në postimet tona të përditshme në MeteoBallkan./MeteoBallkan
