Gjatë natës stuhi të reja lokale pritet të përfshijnë Shqipërinë me rrebeshe shiu me vetëtima dhe bubullimë dhe gjithashtu edhe në Kosovë priten reshje shiu e në shumë rajone edhe rrebeshe lokale me vetëtima dhe bubullimë.
Nesër (e Diele) në Kosovë pritet përmirësim i motit, me intervale të gjata kohore me diell dhe vranësira lokale, por ende mund të ketë gjasa për zhvillime të ndonjë rrebeshi lokal të shiut me vetëtima dhe bubullimë. Temperatura maksimale pritet të arrijë deri në 28 gradë Celsius në Dukagjin.
Në Shqipëri e diela vjen më e qetë nga paraditja e tutje, me diell dhe vranësira lokale dhe po ashtu edhe me mundësi për rrebeshe të dobëta, lokale shiu.
Stuhi kalimtare shiu priten edhe në Maqedoninë Veriore gjatë natës dhe orëve të hershme të mëngjesit të së dieles, ndërsa gjatë dites me diell dhe vranësira lokale e mundësi për ndonjë reshje të izoluar.
Të Hënën dhe të Martën na pret mot kryesisht me diell, por edhe me vranësira të pakta lokale. Temperaturat do të shënojnë rritje të ndjeshme sidomos të Martën.
Të Mërkurën një front kalimtar mund të sjellë rrebeshe kalimtare shiu me vetëtima dhe bubullimë./MeteoBallkan
