Nesër në Kosovë pritet të mbajë me me vranësira e nganjëherë edhe intervale kohore me diell dhe riga lokale shiu kryesisht orëve të mbrëmjes. Gjatë ditës priten reshje të pakta vetëm në disa zona të izoluara e në mbrëmje në më shumë rajone.
Temperaturat pritet të luhaten nga 2 minimalja deri në 12 gradë Celsius ajo maksimale.
Në Shqipëri nesër priten më shumë vranësira dhe reshje të shpeshta lokale shiu sidomos nga pasditja e në mbrëmje ku lokalisht mund të ketë edhe rrebeshe me vetëtima dhe bubullimë. Në viset më të larta malore do të ketë borë.
Në Maqedoninë Veriore gjatë ditës priten vranësira e intervale kohore me diell e në mbrëmje reshje lokale shiu dhe bore në viset e larta malore. Ngjashëm do të jetë moti edhe në Luginë të Preshevës.
Edhe dita e Premte do të jetë me vranësira të shumta dhe rreshje të pakta, por në disa rajone do të ketë mundësi për rreze diellore. Temperaturat do të shënojnë ulje të lehta.
Fundjava vjen me ciklon të fuqishëm dhe reshje të dendura shiu. Reshje mesatare deri intensive priten sidomos pasditen dhe mbrëmjen e së shtunës deri vonë. Në Shqipëri rrebeshe lokalisht intensive me vetëtima dhe bubullimë. Borë vetëm në viset më të larta malore.
Të dielën më pak reshje dhe ato do të jenë të lokalizuara, kurse vonë në mbrëmje ulje e temperaturave që mund të sjellin edhe reshje bore në Kosovë gjatë së hënës./MeteoBallkan
