Sot në Kosovë parashihet të mbajë mot paksa më i ndryshueshëm, me intervale kohore me diell vranësira të herëpashershme dhe vende-vende do të ketë gjasa edhe për riga apo rrebeshe të izoluara shiu.
Temperaturat pa ndonjë ndryshim. Minimalja rreth 6 gradë Celsius, kurse maksimalja deri në 21 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira e riga dhe rrebeshe të izoluara shiu duke mos përjashtuar mundësinë për ndonjë vetëtimë dhe bubullimë në territorin shqiptar. Në shumë rajone nuk do të ketë fare reshje, prandaj i quajmë reshje të izoluara.
Më shumë vranësira presim të mërkurën dhe po ashtu me mundësi për reshje të izoluara shiu.
Të enjten mund të kemi destabilizim më të fuqishëm të atmosferës me zhvillime të fuqishme konvektive që do të kushtëzojnë rrebeshe lokale shiu me vetëtima dhe bubullimë orëve të pasdites./MeteoBallkan
