Sot në Kosovë na pret mot i ngrohtë veror. Parashihet të mbajë mot kryesisht me diell dhe vranësira të pakta. Pasdite pritet të ketë zhvillime lokale të vranësirave të cilat pritet të kushtëzojnë rrebeshe të izoluara shiu me vetëtima dhe bubullimë vetëm në disa rajone të caktuara.
Temperaturat do të shënojnë rritje të mëtutjeshme dhe maksimalja pritet të arrijë deri në 29 apo 30 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell dhe mjaft i nxehtë, ndërsa pasdite priten zhvillime lokale të vranësirave që mund të kushtëzojnë rrebeshe të izoluara shiu me vetëtima dhe bubullimë në rajone të caktuara kryesisht më shumë në zonat kodrinore-malore. Temperaturat në viset më të nxehta të Shqipërisë pritet të arrijnë deri në 34 gradë Celsius.
Dita e mërkurë po ashtu parashihet të jetë kryesisht me diell dhe mjaft e nxehtë, me temperatura maksimale nga 26 deri në 30 gradë Celsius në Kosovë. Pasdite parashihen zhvillime të izoluara.
Të enjten mund të kemi destabilizim të fuqishëm të atmosferës me zhvillime të fuqishme konvektive dhe si pasojë priten stuhi lokale shiu me vetëtima dhe bubullimë. Temperaturat do të shënojnë ulje, por jo shumë të theksuara. Stabilizim i motit pritet menjëherë të Premten./MeteoBallkan
