Ditëve të ardhshme nga Oqeani Atlantik në drejtim të Evropës Perëndimore do të fillojnë të depërtojnë temperatura pak më të larta me origjinë nga Oqeani Atlantik. Pastaj nga Evropa këto temperatura do të arrijnë në Skandinavi. Rajoni ynë ende gjendet nën ndikimin e masave ajrore të ftohta polare dhe kjo do të zgjasë deri në fundjavë.
Nga fundjava këto temperatura të larta do të fillojnë të depërtojnë edhe në drejtim të rajonit tonë kur edhe do të kemi ngritje të temperaturave. Gjithashtu do të kemi edhe dominimin e fuqishëm anticiklonik i cili do të na sigurojë mot stabil, por deri atëherë do të duhet të durojmë edhe disa ditë e sidomos netë mjaft të ftohta dhe me acar, por acari nuk do të jetë ekstrem. Edhe gjatë dy tre ditëve të ardhshme vende-vende në Kosovë priten reshje lokale kryesisht të dobëta deri mesatare por afatshkurtëra të borës. Reshjet e borës do të jenë karakteristike sidomos ditën e Premte por nuk priten reshje të mëdha.
Nga java e ardhshme stabilizim i motit dhe ngritje e temperaturave. Për më gjatë njëherë për njëherë nuk kemi informacione të sakta se si do të evoluojë gjendja sinoptike mbi rajonin tonë por ne do të ju informojmë me postimet tona për çdo ndryshim eventual./Meteoballkan
