Nesër në Kosovë pritet të mbajë mot mjaft i nxehtë dhe me zagushi paradite, kurse pasdite pritet destabilizim i fuqishëm i atmosferës dhe freskim i motit, me rrebeshe lokale shiu me vetëtima, bubullimë dhe mundësi për breshër.
Temperaturat pritet të lëvizin nga 15 minimalja deri në 34 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe mjaft i nxehtë veror e në shumë rajone kontinentale pasdite pritet destabilizim i motit me rrebeshe lokale shiu me vetëtima dhe bubullimë.
Rrebeshe inteninsive priten në veri-verilindje të Shqipërisë, Mal të Zi dhe perëndim të Maqedonisë së Veriut si dhe normalisht në shumë pjesë të Republikës së Kosovës, por pa kohëzgjatje të madhe.
Dita e Premte do të jetë e nxehtë dhe kryesisht stabile, megjithatë orëve të pasdites priten zhvillime të rrebesheve të izoluara të shiut me ndonjë vetëtimë dhe bubullimë.
Të shtunën mjaft nxehtë, ndërsa pasdite destabilizim i fuqishëm i atmosferës. Edhe të dielën nxehtë, ndërsa pasdite priten rrebeshe të izoluara shiu me vetëtima dhe bubullimë./MeteoBallkan
