Gjatë ditës së sotme, mbi rajon, veçanërisht në pjesët veriperëndimore, perëndimore dhe qendrore, janë të mundshme stuhi të fuqishme lokale me bubullima! Në disa zona mund të zhvillohet edhe një sistem konvektiv i fuqishëm dhe shumë i pasur me reshje, i cili brenda vetëm pak minutash mund të sjellë sasinë mujore të shiut! Ekziston gjithashtu rreziku edhe nga breshëri me kokrra të mëdha.
Këto fenomene do të jenë të karakterit lokal dhe do të shtrihen qe nga Sllovenia, Kroacia, Bosnja dhe Hercegovina, Mali i Zi dhe sipas të gjitha gjasave do të kapin edhe Republikën tonë të Kosovës.
Vende-vende do të ketë reshje mjaft intensive dhe shkarkesa mjaft të fuqishme atmosferike, prandaj rekomandohet kujdes u shtuar orëve të vonshme të pasdites eventualisht mbrëmjes, megjithatë e gjitha do të kalojë dhe nuk pritet të zgjasë shumë.
Pra, kemi të bejmë me një spo dy sisteme vranësirash konvektive mjaft të fuqishme, por kalimtare.
Edhe Kosova mund të preket, megjithatë duhet theksuar se stuhitë më violente priten në shtetet fqinje veriperëndimore e veriore, por asesi nuk duhet nënvlerësuar potencialin edhe për Republikën e Kosovës, pjesë të Shqipërisë veriore e lindore dhe pjesë të Maqedonisë së Veriut e normalisht nga kombinimi nuk bjen gati asnjëherë Mali i Zi.
Kjo zagushi që po e përjetojmë tani do të largohen me ardhjen dhe dendësimin masiv të vranësirave orëve të pasdites.
Stabilizim të përkohshëm të motit pritet të kemi nesër (e Premte) por prapëseprapë priten rrebeshe të izoluara, prandaj stabilizimi nuk do të jetë tërësisht i plotë.
Fundjava vjen mjaft e nxehtë, por me stuhi me bubullima lokale orëve të pasdites eventualisht mbërmjes.
Fronti i ftohtë i lajmëruar për të dielën siç duket ka rënë nga kombinimi fare dhe është shtyrë disa ditë tutje./MeteoBallkan
