Nesër në Kosovë pritet të mbajë mot kryesisht me diell dhe mjaft i nxehtë veror. Pasdite rrallë në disa zona mund të ketë ndonjë rrebesh të izoluar shiu me ndonjë vetëtimë dhe bubullimë.
Temperaturat parashihet të lëvizin nga 16 minimalja deri në 34 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi të Premten pritet të mbajë mot kryesisht me diell dhe shumë i nxehtë veror. Pasdite në disa rajone parashihen zhvillime të ndonjë stuhi të izoluar, kalimtare shiu kyesisht në disa zona kodrinore-malore.
Në përgjithësi dita e Premte do të jetë më stabile dhe mjaft e nxehtë.
Fundjava në të gjitha viset tona do të jetë mjaft e nxehtë dhe kryesisht me diell, megjithatë pasditeve-mbrëmjeve parashihet të kemi destabilizim të atmosferës e vende-vende do të ketë zhvillime të vranësirave konvektive që do të kushtëzojnë rrebeshe lokale shiu me vetëtima, bubullimë dhe mundësi për breshër. Shqipëria do të jetë pothuajse tërësisht stabile, ndërsa stuhitë e izoluara do të zhvillohen në disa pjesë të Republikës së Kosovës, Malit të Zi dhe Maqedonisë së Veriut./MeteoBallkan
