Sonte jemi nën ndikimin e masave ajrore me origjinë polare që vijnë nga veriu i Kontinentit. Temperaturat janë të ulëta, por janë normale për këtë periudhë kohore në të cilën gjendemi. Erërat e ftohta veriore shtojnë dukshëm ndjesinë subjektive të të ftohtit të sontëm.
Temperaturat minimale gjatë natës sipas modelit Amerikan “GFS” do të ulen deri në minus 13 gradë celsius në viset malore, kurse në viset e ulëta nga minus 2 deri në minus 10 gradë celsius. Ndjesia subjektive e të ftohtit do të jetë rreth minus 16 gradë celsius në viset malore, kurse nga minus 6 deri në minus 12 në viset e ulëta. Kjo vlenë normalisht për viset kontinetale të rajonit tonë dhe jo për viset bregdetare dhe Ultësirën Perëndimore të Shqipërisë. Sidoqoftë nëse shikoni foton kryesore do të shihni temperaturat minimale gjatë natës dhe mëngjesit të hershëm të ditës së nesërme dhe mund të orientoheni përafërsisht për rajonin tuaj./Meteoballkan
