Dita e mërkurë pritet të karakterizohet me mot me vranësira e intervale kohore me diell. Po ashtu parashihen reshje lokale edhe gjatë ditës, por me intensitet më të ulët dhe me në zona më të izoluara. Do të fryjnë erëra të freskëta kryesisht nga veriu.
Temperaturat parashihet të lëvizin nga 14 minimalja deri në 26 gradë Celsius ajo maksimale.
Edhe në Shqipëri gjatë natës ose orëve të hershme të mëngjesit mund të kemi një sistem vranësirash me rrebeshe lokale shiu me vetëtima dhe bubullimë. Temperaturat do të shënojnë ulje dhe pritet freskim pak a shumë pav vapës shumë të madhe në Shqipëri. Dita e mërkurë në Shqipëri pritet të jetë me diell e vranësira lokale të cilat do të jenë më të theksuara në veri e lindje të vendit me reshje lokale. Në perëndim ende nxehtë, por pak më freskët se ditëve të kaluara.
Rrebeshe lokale dhe freskim i motit pritet edhe në Maqedoninë Veriore, Luginë të Preshevës dhe Mal të Zi.
Të enjten na pret mot me diell dhe vranësira më të pakta lokale. Temperaturat do të jenë të këndshme dhe nuk pritet vapë e fortë. Rrallë në ndonjë rajon mund të ketë ndonjë rigë të dobët, afatshkurtër shiu.
Të premtën ulje e ndjeshme e temperaturave shtim i vranësive dhe reshje lokale shiu. Në Shqipëri dhe Maqedoninë Veriore priten rrebeshe dhe stuhi shiu. Në Kosovë më shumë si atmosferë vjeshtore e cila do të kalojë shumë shpejtë.
Fundjava stabile, e shtuna paksa e freskët, kurse e diela më e nxehtë./MeteoBallkan/
