Një front i ri i dobët i ftohtë ajror po afrohet nga lindja e Kontinentit i cili do të na sjellë reshje të reja, por të dobëta dhe lokale bore gjatë natës dhe nesër herë pas here.
Reshjet nuk do të jenë të mëdha, por vetëm sa për ti kënaqur sytë pak. Reshje lokale të dobëta priten edhe në disa pjesë të Maqedonisë, ndërsa në Shqipëri nuk priten reshje atmosferike.
Edhe nesër në Kosovë dhe pjesë të Maqedonisë priten reshje lokale kryesisht të dobëta bore të cilat nuk do të zgjasin shumë. Nga mbrëmja e nesërme presioni atmosferik do të ngritet përsëri dhe kjo do të nënkuptojë ndërprerjen e tërësishme të të reshurave atmosferike.
Nga e shtuna do të jemi nën ndikimin dhe dominimin total të masave ajrore të thata anticiklonike të cilat do të na sjellin mot me diell. Mëngjeset do të jenë të ftohta, kurse gjatë ditëve pritet ngirtje graduale e temperaturave dhe stabilizim i motit./Meteoballkan
