Gjatë natës dhe orëve të mëngjesit fillimisht në veri të Shqipërisë dhe Mal të Zi pritet destabilizim i fuqishëm i atmosferës. Pastaj dise sisteme stuhish mund të depërtojnë dhe të zhvillohen më tutje edhe në shumë rajone të Rpeublikës së Kosovës duke kushtëzuar stuhi shiu me rrebeshe lokalisht intensive me vetëtima, bubullimë dhe mundësi për breshër.
Në disa zona mund të ketë rrebeshe mjaft intensive.
Nesër në Kosovë pritet të mbajë mot jo-stabil, me intervale me diell dhe zhvillime të vranësira të cilat do të kushtëzojnë rrebeshe lokale shiu me vetëtima, bubullimë dhe mundësi për breshër në disa zona të izoluara.
Temperaturat pritet të lëvizin nga 14 minimalja deri në 31 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me intervale kohore me diell dhe vranësira konvektive të cilat vende-vende pritet të kushtëzojnë stuhi shiu me vetëtima, bubullimë dhe breshër. Reshje mjaft intensive mund të ketë në shumë lokacione në veri dhe pjesët qendrore të Shqipërisë, pastaj edhe në rajone tjera por më të lokalizuara.
Nga e marta pritet që atmosfera të stabilizohet graualisht dhe na pret mot më i qetë dhe me më shumë diell. Temperaturat fillimisht do të jenë paksa të freskëta, por pritet menjëherë të rritën. Rrallë në ndonjë rajon parashihet të ketë ndonjë rrebesh të izoluar shiu me ndonjë vetëtima dhe bubullimë.
Gjatë javës pritet të masa ajrore anticiklonike të konsolidohet në rajonin tonë duke mundësuar disa ditë pa zhvillime të stuhive dhe kryesisht të qeta dhe të nxehta. I nxehti nuk do të jetë shumë i rëndë për shkak se ndjenja e zagushisë do të jetë më e lehtë./MeteoBallkan
