Modeli më i saktë në glob ECMWF në simulimin e tij të mëngjesit të sotshëm parasheh një rikthim të sërishëm të dimrit në rajonin tonë afërsisht nga data 22 -23 Shkurt. Sipas këtij modeli Anticikloni Skandinav do të përqëndrohet kryesisht në Skandinavi dhe Britani të Madhe dhe në këtë mënyrë në drejtim të rajonit tonë do të hapej rruga për depërtimin e një mase të fuqishme të ftohtë ajrore nga verilindja e Kontinentit. Megjithatë, duhet të jemi të kujdesshëm sepse janë disa ditë në pyetje dhe ndryshimet mund të ndodhin, aq më shumë kur këtë version nuk e përkrah modeli GFS.
Edhe GFS parasheh ulje të temperaturave por në një masë shumë më të vogël dhe pa ciklogjenezë, ndërsa ECMWF parasheh edhe ciklogjenezë në Mesdhe dhe reshje bore në viset tona. Për detaje as që ia vlen të meremi tani sepse ndryshimet do të ndodhin dhe parashikimi është afatgjatë. Ne do tju mbajmë të informuar në parashikimet tona shumë më të sakta afatshkurtëra./Meteoballkan
