Nesër në Kosovë pritet të mbajë mot me diell dhe shumë i nxehtë veror.
Temperaturat parashihet të luhaten nga 15 minimalja deri në 35 gradë Celsius ajo maksimale.
Orëve të mesditës rekomandohet kujdes i shtuar nga vapa e fortë dhe nivelet e larta të rrezeve UV.
Në Shqipëri , Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe shumë i nxehtë veror. Temperaturat maksimale deri në 40 gradë Celsius në ultësirat më të nxehta të Shqipërisë dhe Maqedonisë së Veriut.
Të enjten na pret mot mjaft i nxehtë, megjithatë vranësirat e shumëpritura do të fillojnë të shfaqen dhe të zhvillohen orëve të pasdites. Këto vranësira nuk do ti gëzojnë të gjithë. Vende-vende priten shfaqje të rrebesheve të izoluara të shiut me vetëtima dhe bubullimë. Ka mundësi që të ketë edhe breshër në ndonjë lokacion të izoluar.
Rrebeshe zë izoluara parashihen në pjesë të Kosovës, veri të Shqipërisë dhe verilindje të Maqedonisë së Veriut, lokalisht edhe në ndonjë rajon tjetër ku priten freskime afatshkurtra.
E Premtja dhe fundjava pritet të jenë të nxehta, por me mundësi për zhvillime të izoluara të rrebeshe lokale të shiut me vetëtima dhe bubullimë. Temperaturat mund të shënojnë ulje të lehta, por në përgjithësi do të vazhdojë vapa verore. Freskim më i theksuar në zonat e rrebesheve eventuale./MeteoBallkan
