Pas një mëngjesi mjaft të ftohtë nesër gjatë ditës pritet përmirësim i motit me intervale të gjata kohore me diell dhe ndonjë vranësirë kalimtare. Në Kosovë gjithashtu do të kemi edhe ngritje të temperaturave si pasojë e fillimit të depërtimit të masave ajrore pak më të nxehta nga Evropa perëndimore.
Edhe në Shqipëri, Maqedoni dhe Mal të Zi nesër pas mëngjesit të ftohtë gjatë ditës pritet mot kryesisht me diell dhe relativisht i nxehtë. Vranësirat do të jenë të pakta dhe kalimtare.
Të Dielën në tërë rajonin tonë mot më i nxehtë, më i këndshëm dhe me shumë rreze dielli. Në mëngjes do të jetë ftohtë dhe vende-vende do të ketë edhe mjegull e cila do të zhduket gjatë ditës. Gjatë ditës do të kemi ngritje të mëtutjeshme të temperaturave ku ato maksimalet do të arrijnë deri në 12 gradë celsius në Kosovë, kurse edhe më nxehtë në Shqipëri dhe Maqedoni.
Edhe fillimi i javës së ardhshme me mot stabil, me netë dhe mëngjese të ftohta dhe me mundësi mjegulle, por me ditë të nxehta dhe mjaft të këndshme./Meteoballkan
