Nesër në tërë rajonin tonë do të mbajë mot kryesisht me diell dhe relativisht i nxehtë për këtë periudhë kohore. Pra, Kosova, Shqipëria, Maqedonia, Mali i Zi e tjera shtete të rajonit do të kenë mot stabil dhe me shumë rreze dielli. Kjo vjen si pasojë e anticiklonit të fuqishëm i cili ka në mbizotërim pothuajse tërë territorin Evropian.
Të martën dhe të mërkurën tërë rajonin e pret mot mjaft i këndshëm dhe me shumë rreze dielli, ku edhe temperaturat do të shënojnë ngritje të mëtutjeshme.
Nga e Enjta pritet që të fillojë të ndryshoje situata sinoptike, kurse të premtën me reshje lokale shiu e pastaj bore, ulje të temperaturave dhe fuqizim i erërave veriore dhe verilindore. Për këtë duhet të presim edhe pak për detaje tjera./Meteoballkan
