Nesër në Kosovë do të mbajë mot mjafti këndshëm dhe me shumë rreze dielli. Mëngjesi do të jetë i ftohtë por dita e ngrohtë dhe me diell.
Ngjashëm do të jetë edhe në Shqipëri, Maqedoni dhe Mal të Zi, pra mot kryesisht me diell dhe i nxehtë gjatë ditës. Nata dhe mëngjesi do të jenë relativisht të ftohta.
Edhe ditëve të ardhshme nuk pritet ndryshim i motit, pra do të vazhdojë të mbajë mot me diell, vranësira kalimtare por stabil.
Të Premtën nga verilindja dhe lindja e Kontinentit gjegjësisht nga Rusia do të kemi depërtimin e një fronti të ftohtë i cili do të shkaktojë destabilizim të motit, me shtim të vranësirave, reshje shiu, reshje bore në viset kodrinore-malore dhe erëra mesatarisht të fuqishme veriore. Në mbrëmje dhe mëngjesin e së Shtunës reshje bore mund të ketë edhe nëpër disa ultësira në Kosovë. Deri atëherë shijoni ditët e bukura. Ne do tju njoftojmë për çdo ndryshim që eventualisht mund të ndodhë për fundjavën që po vjen./Meteoballkan
