Fronti i ftohtë i fuqishëm ajror nga verilindja e Kontinetit Evropian do të shkaktojë destabilizim të fuqishëm të motit të premtën dhe të shtunën në rajonin tonë. Fillimisht në Kosovë priten reshje shiu, në viset malore reshje bore. Në mbrëmje dhe gjatë natës në të shtunën reshje bore priten në shumicën e territorit të Republikës së Kosovës. Reshjet do të jenë afatshkurtëra dhe jo gjithepërfshirëse.
Të shtunën masa ajrore Siberike do të pushtojë rajonin duke ulur temperaturat. Kjo masë ajrore do të depërtojë edhe në Shqipëri. Reshje të dendura bore priten në juglindje dhe jug të Shqipërisë. Reshje kalimtare bore mund të ketë edhe Tirana, Elbasani e shumë qytete në jug të Shqipërisë. Reshje bore priten edhe në Maqedoni, kurse reshje të fuqishme bore priten në Greqi dhe Turqi.
Kryeqendra turke Stambolli do të zbardhet nga reshjet e dendura të borës./Meteoballkan.
