Sor në Kosovë do të mbajë mot kryesisht i vranët dhe me reshje shiu dhe bore. Do të fryjnë edhe erëra mesatare deri të fuqishme nga ana e veriut dhe verilindjes. Temperaturat do të shënojnë rënie. Gjatë mbrëmjes dhe natën pritet fuqizimi e erërave të ftohta veriore, shiu do të shndërrohet tërësisht në borë dhe pritet depërtimi i ajrit të ftohtë Siberik.
Në Shqipëri edhe sot relativisht nxehtë ndërsa gjatë ditës dhe natën pritet përkeqësim gradual i motit. Në Mal të Zi nesër mot mjaft jo stabil me reshje bore dhe erëra të fuqishme veriore, kurse në Maqedoni kryesisht me reshje shiu të cilat me uljen e temperaturave të shtunën priten edhe reshje bore.
Të shtunën mot shumë i ftohtë në tërë rajonin tonë, vende-vende dhe kohë pas kohe me reshje bore. Erërat do të jenë të fuqishme veriore, verilindore dhe lindore. Erërat do të jenë shumë të ftohta. Temperaturat do të shënojnë ulje të theksuar kurse ndjesia subjektive e të ftohtit do të jetë mjaft e madhe për shkak të erërave të ftohta “siberike”. Të Dielën vranët, me intervale kohore me diell por mjaft ftohtë. Reshje atmosferike nuk priten më./Meteoballkan
