Mot i lig me reshje bore dhe shiu, si dhe erëra të fuqishme, ka përfshirë këtë vikend pothuajse tërë rajonin. Në Kroaci era e fuqishme, e njohur si bura po shkakton probleme të mëdha.
Sipas faqeve kroate meteorologjike, ndikimi më i fortë i burës në historinë e matjeve meteorologjike u shënua sot në kodrën e quajtur Marjan, ku shpejtësia e erës u mat në 176 km / h (48.9 m / s), që është shpejtësia më e lartë e erës e matur ndonjëherë në Split.
Kjo erë e fuqishme ishte zyrtarisht bura më e fortë që nga data 14 nëntor 2004, gjatë ciklonit Dorothy, shpejtësia e erës ishte 174.6 km / h (48.5 m / s).
Probleme të shumta, duke përfshirë dëme të konsiderueshme materiale janë shkaktuar edhe në pjesë të tjera të vendit.
