Temperatura mjaft të ulëta do të mbizotërojnë sonte gjatë natës në tërë territorin e Gadishullit Ballkanik duke përfshirë edhe Kosovën, Shqipërinë dhe Maqedoninë.
Në Kosovë temperaturat minimale gjatë natës dhe mëngjesit të ardhshëm do të sillet nga minus 8 deri në minus 12 nëpër ultësira, kurse në viset më të larta malore ato mund të arrijnë deri në minus 18 gradë celsius. Ndjesia subjektive do të jetë e fortë dhe ajo më ulëta do të arrijë deri në minus 20, kurse në territorin Ballkanik deri në minus 23 sipas modelit GFS.
Sidoqoftë, temperaturat Siberike i kemi këtu dhe përgadituni për dy ose tre netë dhe mëngjese mjaft të ftohta Siberike. Sipas ecurive aktuale ngritje të temperaturave dhe stabilizim të motit mund të kemi nga e Marta. Në foto keni temperaturat për tërë rajonin tonë gjatë natës dhe mëngjesit të nesërm sipas modelit GFS./ Meteoballkan
